Mahal mo ako
Bawat titik at tuldok
Isinulat mo nang
Walang pag-aalinlangan
Ngunit ngayon
Ako'y nasasaktan
Sa tuwing dumadaan
Ang pulang panulat
Sa ating mga salita
Hindi nagtagal
Inaalis mo na rin
Ang mga talata
Ng mga pangako
At pangarap
Na ating binuo
Ano na lang
Ang matitira sa atin
Meron pa bang atin?
Sa manuskrito mo
Ako yung pahinang
Wala na sa libro
Isa na lamang akong
Papel na maraming guhit
Isang pagkakamali
Hindi dapat paglaanan
Ng papel at tinta
Photo source: https://www.pinterest.com/ladygramla/fading-away/
No comments:
Post a Comment